نواز شریف کے سابق ترجمان محمد زبیرنے کہاہے کہ یہ حقیقت ہے جو عمران خان جیل میں کسی جرم کیوجہ سے نہیں بلکہ سیاست کی وجہ سے ہیں، وہ غلط سائیڈ پر آئے ہیں اور 2 سال سے جیل میں ہیں۔
نجی ٹی وی چینل کے پروگرام میں گفتگو کرتے ہوئے محمد زبیر کا کہناتھاکہ عمران خان کے بیٹے ہیں ، جتنےبھی تنازعات ہوں ، بیٹوں کے اپنے والد کے لیے جذبات بھی ہوں گے ، میرا خیال ہے کہ بچوں کا حق ہے کہ وہ جو چاہیں کرسکتے ہیں لیکن پاکستان کے قانون کی خلاف ورزی نہیں ہونی چاہیے ، یہ درست بات ہے لیکن اس خلاف ورزی کا تعین اگر مسلم لیگ( ن) یا حکومت پاکستان کرے گی تو یہ ایک مشکوک بات ہوگی۔ بچوں کو حق ہے اور انہیں کوشش کرنی چاہیے، اپنی آواز امریکہ سمیت ہر جگہ بلند کرنی چاہیے ۔