ے یو آئی ف کے سربراہ مولانا فضل الرحمان نے کہا ہے کہ مدارس رجسٹریشن بل پر حکومتی اتحاد کی بدنیتی عیاں ہو چکی ہے۔ صدر مملکت نے مدارس آرڈیننس پر دستخط تو کیے اور اسے توسیع دی جا رہی ہے لیکن قانون سازی سے گریز کیا جا رہا ہے۔
سما ٹی وی کے مطابق چارسدہ میں پریس کانفرنس کرتے ہوئے مولانا فضل الرحمان نے کہا سوات سے وزیرستان تک لوگ آج بھی اپنے ہی ملک میں مہاجر ہیں۔
خیبر پختونخوا کی سیاسی صورتحال پر تنقید کرتے ہوئے کہا کہ مسلم لیگ (ن) نے مخصوص نشستوں کے معاملے پر جے یو آئی کے خلاف عدالت میں کیس دائر کیا جو موجودہ حالات میں صوبائی حکومت کو فائدہ پہنچا رہا ہے۔ ایسی اپوزیشن کا کیا کروں جو صوبائی حکومت کے فائدے میں کام کر رہی ہے؟
مولانا فضل الرحمان نے کہا پی ٹی آئی کے اندر نئی ایڈمنسٹریشن کی بات کی ہے نہ کہ سودا بازی یا ارکان توڑنے کی۔انہوں نے میثاق جمہوریت پر قائم رہنے کا اعادہ کرتے ہوئے کہا کہ اگر سیاست دان اس پر عمل کریں تو بہتر سیاسی ماحول پیدا ہو سکتا ہے