1723104747-0/PIA123-(1)1723104747-0-640x480.webp)
یکرٹری نجکاری کمیشن عثمان باجوہ کہتے ہیں 5 پارٹیوں نے درخواستیں جمع کرائیں، اسکروٹنی کمیٹی نے 4 پارٹیوں کو نیلامی میں شرکتِ کے لئے منظوری دے دی، جلد نیلامی کی تاریخ طے کی جائے گی۔
قومی اسمبلی کی قائمہ کمیٹی نجکاری کا اجلاس چیئرمین فاروق ستار کی زیر صدارت منعقد ہوا، جس میں سیکرٹری نجکاری کمیشن عثمان باجوہ نے بتایا شارٹ لسٹ کی گئی پارٹیوں کو کل سے پی آئی اے کے دفاتر میں اکاؤنٹس اور آپریشنز کا جائزہ لینے کی اجازت دی گئی ہے ۔حکومت قومی ایئر لائن کی نجکاری رواں سال کی آخری سہ ماہی تک مکمل کرنے کا ارادہ رکھتی ہے، سرمایہ کاروں کی تسلی کے بعد ہی پی آئی اے کی نجکاری کی جائے گی۔۔
ایکسپریس نیوز کے مطابق دوران اجلاس فاروق ستار نے کہا کہ وزیر اعلی پنجاب بھی تو پی آئی اے کی خریداری میں دلچسپی رکھتی تھیں؟
اس پر سیکریٹری نجکاری کمیشن نے بتایا کہ پنجاب حکومت اپنی ایئر لائن شروع کرنا چاہتی ہے، پنجاب حکومت نے پی آئی اے کی نجکاری میں اظہار دلچسپی ظاہر نہیں کی۔
سیکرٹری نجکاری کمیشن نے کہا کہ ادارے کی نجکاری کے دوران پی آئی اے ملازمین کی جاب سکیورٹی کیلئے کام کریں گے، نئے خریدار کو پی آئی اے کے 19 جہازوں کے فلیٹ کو 45 تک لے کر جانا ہوگا۔