بھارت کی معروف ماڈل سان ریچل گاندھی نے مبینہ طور پر خودکشی کر لی ہے۔
ٹائمز آف انڈیا کے مطابق ماڈل نے اپنے گھر میں خواب آور گولیاں کھا کر زندگی کا خاتمہ کیا۔ سان ریچل گاندھی معاشی بدحالی کا شکار تھیں اور گزشتہ دنوں ہی کیرئیر میں آگے بڑھنے کے لئے اپنے زیورات بھی بیچے تھے۔
سان ریچل گاندھی انٹرٹینمنٹ انڈسٹری میں رنگت کی بنیاد پر امتیاز کے خلاف آواز اٹھانے کے لیے جانی جاتی تھیں۔ سان ریچل کو 2022 میں مس پڈوچیری کا خطاب دیا گیا تھا
ماڈل گرل مس بیسٹ ایٹی ٹیوڈ 2019، مس ڈارک کوئین تامل ناڈو 2019 اور 2022 کوئین آف مدراس رہیں۔ ماڈل گرل نے 2023 میں مس افریقا کے مقابلہ حسن میں بھی بھارت کی نمائندگی کی تھی۔